«Рухани жаңғыру: Туған жер-тұнған тарих» аудандық ғылыми-практикалық конференциясы

Қарашілік орта мектебінде ақпанның 7-сі күні «Рухани жаңғыру: Туған жер-тұнған тарих» аудандық ғылыми-практикалық конференциясы өтті.

        Конференцияның өтілу мақсаты: оқушыларды туған жерге, мәдениетіне, табиғатына сүйіспеншіліктерін арттыра отырып, патриоттық тәрбие беру, «рухани жаңғыру» бағдарламасын жүзеге асыру

бойынша іс-тәжірибемен алмасу болды.

Конференцияға Бурабай ауданы  білім бөлімінің орынбасары  Ахмеджанова  А. М., білім  бөлімінің әдіскері  алдабергенова  К.А., мектеп басшылары, директордың  тәрбие-ісінің орынбасарлары, сонымен қатар, аудан мұражайларының басшылары қатысты.

        Жоспарланған  іс-шара мектеп мұражайының ашылуымен басталды. Ашылу рәсімі 30-жыл аталмыш мектепте директор қызметін атқарған  Есенеев Қайрат Насырұлына тапсырылды. Келген қонақтарды мұражайда жиналған мұрағаттармен 10-сынып оқушылары Маткенова Дина, Шарипова Камила таныстырып өтті.

Мектеп фойесінде «Елім менің – қол өнері бай халық»  тақырыбында орналасқан көрмені тамашаланғаннан кейін, мектеп директоры Уалиева М.Б. «Болашаққа бағдар: рухани жаңғыру» бағдарламасының жүзеге асырылуы деген тақырыпта баяндама жасады.

Келесі кезекте жоғары сынып оқушылары: «Ауылымның шежіресі» атты бөлім  бойынша Қарашілік, Көрнекті ауылдарының  тарихы, «Қасиет тұнған жер» тақырыбы бойынша  Көрнекті ауылындағы мешіттің, мектептің тарихы  бойынша  шағын жобаларын, ауылдың атақты адамдарына қатысты  ғылыми-зерттеушілік жобаларын   қатысушылардың  назарына ұсынды.  Бастауыш сынып  мұғалімі  Құлмағамбетова Әсемгүл Қайратовна қариялармен

бетпе-бет сұхбат жүргізді. Көпті көрген қарияларымыз, өздерінің шежіресі мол қазыналарымен бөлісті. Тәрбие ісінің меңгерушісі Кожикова Б.А. «Мен қазақ мың өліп, мың тірілген» тақырыбында жоғары сынып оқушыларымен тарихи қойылым көрсетті.

Ал бастауыш сынып мұғалімі Утемысова Л.Р. «Тәрбие рецептері» ток-шоу, ағылшын тілі мұғалімі Мархмадова Г.Қ. «Достықтың алтын көпірі» әдеби-музыкалық композициясы тақырыптарында тәрбие сағаттарын өткізді.  Дене шынықтыру мұғалімдері «Қазақтың ұлттық ойындары-халықтың мәдени мұрасы» тақырыбында ұлттық ойындар көрсетті. Асық ату, бес асықтан аудандық турнир өткізді.

Конференцияның соңы Махметова Альбина Абаевнаның дайындаған концертін тамашалаумен аяқталды. Жиналған қонақтар ризашылықтарын білдіріп, көңілді күймен тарқады.