«Мың бала» олимпиадасы

1 – 4 сәуір аралығында ауданымыз бойынша 6 сынып оқушылары арасында «Мың бала» олимпиадасы өтетін болады.
 Олимпиаданың мақсаттары мен міндеттері: Қазақстан Республикасындағы ауылдық жерлердегі талантты мектеп оқушыларын дамыту және қолдау үшін жағдай жасау. Ауылдың дарынды балаларына жүйелі орта қалыптастырып, ұзақ мерзімді қолдау арқылы әлеуетін одан әрі дамыту жөніндегі шараларды әзірлеу, ұсыну.
Олимпиада онлайн-тестілеу форматында екі кезеңде өткізіледі. Барлық іс-шаралар пәндерді зерттеуге және әрі қарай дамытуға деген дағдылар мен бейімділіктерді анықтауға бағытталған. Тестілеуді интернетке қосылған смартфон арқылы немесе ноутбукпен (камерасы бар), компьютермен (веб-камерасы мен аудио жазу құрылғысы қосылған) өтуге болады.
І кезең
I кезеңде ауыл мектептерінің 6-сынып оқушылары арасында 5 мың финалистті іріктеледі. I кезең танымдық ойлау деңгейін анықтауға арналған тесттерді қамтиды. Кешенді тестілеу «логикалық ойлау» және «кеңістіктік ойлау» бөлімдерінен тұрады.
IІ кезеңде
II кезеңде финалистер арасында 1 000 жеңімпаз іріктеледі. Іріктеу тестілеу нәтижелері бойынша жүргізіледі, оған бөлімдер бойынша оқушылардың академиялық білімін бағалау кіреді:
«Математикалық сауаттылық»;
«Қазақ тілі», қазақ тілінде білім алатын оқушылар үшін;
«Орыс тілі», орыс тілінде білім алатын оқушылар үшін;
«Ағылшын тілі»;
«Жаратылыстану».