Аудандық Абай оқулары мен Махамбет оқулары

           2017  жылдың 13 сәуір күні «Арман» МТОТЖО базасында 5 -11 сынып оқушылары арасында Абай, Махамбет шығармаларын, қара сөздері мен өлең-жырларын оқушылардың бойына сіңіру мақсатында аудандық ХVІІІ Абай оқуларының және VІІІ Махамбет оқулары өтті..Аталған шараға ауданның 18 мектебінен 62 оқушы қатысты.

1.  ХVІІІ Абай оқулары үш бөлім бойынша өткізіледі:

           «Өлең – сөздің патшасы, сөз сарасы» - Абай және Шәкәрім шығармаларын жатқа оқу конкурсы. Қатынасушы өзі жатқа білетін шығармалардың тізімін конкурс басталғанға дейін ұсынуы қажет (Абай және Шәкәрім шығармаларын көбірек жатқа білетін оқушыға жоғары баға қойылады).

       «Көңілім әнді ұғады» - Абай мен Шәкәрімнің әндері мен күйлерін орындаушылардың конкурсы.

«Жүйріктен жүйрек озар жарысқанда» - жас дарындар конкурсы (өз шығармаларын орындау: өлеңдер, әндер, музыкалық шығармалар).

2.VІІІ Махамбет оқулары үш бөлім бойынша өткізіледі:

           «Мен – Өтемістің баласы Махамбет атты батырмын!» - Махамбет шығармаларын жатқа оқу конкурсы. Қатынасушы өзі жатқа білетін шығармалардың тізімін конкурс басталғанға дейін ұсынуы қажет (ақын шығармаларын

көбірек жатқа білетін оқушыға жоғары баға қойылaды).

           «Ұлы арман» - Махамбеттің күйлерін орындаушылардың конкурсы.

           «Тартынбай сөйлер асылмын...» - жас дарындар конкурсы (өз шығармаларын орындау: өлеңдер, әндер, музыкалық шығармалар). Барлық  номинациялар  бойынша  сайыста   Щучинск қаласы №9  МГ,№  8 МГ,  Абылайхан,  С. Сейфуллин атындағы ом, Атамекен ауылы  ом, Қарашілік ОМ, Қарабұлақ  НМ,Савинка НМ, Щучинск қаласы №6  ОМ-нің  қазақ тілінде  оқытатын  сыныптарының  балалары  өздерінің  білімімен, өнерімен  көрермендердің  көңілінен  шықса, Щучинск қаласы № 6, 2 ОМ, жалпы типтегі мектеп- интернатының  өзге  ұлттың  балалары жоғарыда  аталған  номинациялар бойынша  жүлделі орындарға  ие  болды. Жеңістеріңіз құтты болсын!