«Дарын» Республикалық орталығы Әл-Фараби атындағы Қазақ ұлттық университетімен бірлесіп, 2021 жылғы 1-3 наурыз аралығында жыл сайын дәстүрге айналған Ө. Жолдасбеков атындағы математика және механика бойынша зерттеу жобаларының ХІ Халықаралық конкурсын өткізді.

«Дарын» Республикалық орталығы Әл-Фараби атындағы Қазақ ұлттық университетімен бірлесіп, 2021 жылғы 1-3 наурыз аралығында жыл сайын дәстүрге айналған Ө. Жолдасбеков атындағы математика және механика бойынша зерттеу жобаларының ХІ Халықаралық конкурсын өткізді. Еліміздегі тұрақсыз эпидемиологиялық жағдайға байланысты конкурс қашықтықтан онлайн режимде өткізілді. Биыл Конкурс Өмірбек Арысланұлы Жолдасбековтың 90 жылдық мерейтойына тұспа-тұс келіп отыр. 
    Сайысқа Түркия, Индонезия, Франция, Тәжікстан, Қырғызстан, Әзірбайжаннан және Қазақстанның барлық өңірлерінен 166 жобамен 218 оқушы қатысты. Қатысушылар математика, қолданбалы математика, механика және экономикадағы математикалық әдістер секциялары бойынша www.webinar.daryn.kz платформасында жобаларын қорғады.  
          Байқау қорытындысы бойынша Ақмола облысы Бурабай ауданынан ҚР Білім және ғылым министрінің  III дәрежелі дипломы және қола медальдарымен  Щучинск қаласы  №1 мектеп-гимназиясы 11 сынып оқушысы  Нурпанова Риза ( жетекшісі Мусаипова Алия Каиркеновна)  және Бурабай кенті С.Сейфуллин атындағы орта мектебінің 9 сынып оқушысы  Давлетов Амир ( жетекшісі Шлейнингер Эльвира Владимировна,  Сафонова Юлия  Петровна) марапатталды.
   Жеңімпаздарымызды шын жүректен құттықтаймыз!!!!