Ақмола облысы білім басқармасының «Ақмола дарыны» дарынды балалар мен талантты жастарды анықтау және қолдау орталығы 8-11 сынып оқушылары арасында шығармашыл оқушыларға арналған «Ақберен» республикалық өнер байқауының облыстық кезеңін 2025 жылғы 20 қазан күні қашықтықтан (онлайн форматта) өткізді.

Байқаудың мақсаты мен міндеті: 8-11 сыныптың шығармашыл оқушыларының гуманитарлық-эстетикалық ғылымдар саласында кәсіптік қызметін таңдауда шығармашылық қабілетін, өлең жазуын, тапқырлық қырын, дарынын танытуға қолдау көрсетіп, ары қарай дамуына жол ашу. 
Байқау 6 номинация бойынша өткізілді: 
- Шешендік, білгірлік сайысы;
- Көркемсөз оқу;
- Эссе жазу;
- Ұлттық аспапта өнер көрсету;
- Ақындар айтысы;
- Ақындар мүшәйрасы.
   Бұл байқауда Бурабай ауданының   дарынды оқушылары өз өнерлерін жоғары деңгейде көрсетіп, қазылар алқасының ерекше ықыласына бөленді. 
Байқаудың қорытындысы бойынша ІII-дәрежелі дипломмен 
«Ұлттық аспапта өнер көрсету» номинациясы бойынша - Бостандық Нурали – Бурабай ауданы Щучинск қаласының №7 мектеп-лицейінің 10-сынып оқушысы;
«Эссе жазу» номинациясы бойынша- Канат Медина – Бурабай ауданы Щучинск қаласының №7 мектеп-лицейінің 10-сынып оқушысы марапатталды.
«Ақындар мүшәйрасы» номинациясы бойынша Сатылхан Абдулла  Оқжетпес ауылының ЖОББМ 10-сынып оқушысы грамотамен  марапатталды.
Жеңімпаздарды жүлделі орындарымен құттықтаймыз!